لوسي عن التفكير في اعتزال الفن: حزينة على اللي بيحصل

تحدثت الفنانة لوسي، عن تفكيرها في اعتزال الفن، ما أثار الجدل بين جمهورها ومحبيها، معربة عن حزنها الكبير بسبب ما يعرض عليها من أعمال لا تتناسب مع تاريخها الفني.

لوسي تتحدث عن تفكيرها في اعتزال الفن

وقالت لوسي، في تصريح خاص لـ القاهرة 24: أنا مقدرة مشاعر الجمهور اللي زعل من أني بفكر في الاعتزال، ولكني أنا كمان عندي مشاعر أنا ربنا مديني حاجة كويسة، أنا حزينة على اللي بيحصل.

وأضافت: بيجيلي ورق إما سيء والدور مش مناسب ليا ولا لإسمي، أو الدور حلو والورق مش حلو، وده مش ذنبهم ولا ذنبي.

لوسي تفكر في اعتزال الفن بسبب قلة مشاركاتها الفنية

وكانت كشف الفنانة لوسي، لـ القاهرة 24، عن تفكيرها في اعتزال الفن، قائلة: بفكر أعتزل الفن علشان زهقت، مش بيتعرض عليا حاجة تليق بيا، ومش هفضل متعلقة بين السماء والأرض، أنا فنانة ليا تاريخي ومعنديش مصدر رزق، وصعبان عليا مشواري، ولما الفنان بيقعد في البيت بيتضايق، ولو متعرضش عليا الفترة دي حاجة هعلنها بشكل رسمي وهعتزل.

وأوضحت الفنانة لوسي أنها قد تعلن اعتزالها بشكل رسمي حال عدم عرض أعمال فنية عليها خلال الفترة المقبلة، موضحةً أن ابتعاد الفنان عن العمل لفترات طويلة يسبب له حالة من الضيق.