مدرب زد: زيكو لاعب مختلف.. وفرحتي به لا توصف

كتب - سليمان غريب

زيكو - مصر وروسيا

حرص مصطفى إبراهيم المدرب العام لنادي زد على توجيه رسالة شكر إلى مصطفى زيكو بعد مباراة مصر وروسيا الودية.

وكان زيكو سجل هدف فوز مصر على روسيا (1-0) في اللقاء الودي الذي أقيم، أمس الخميس.

وتحدث نجم بيراميدز الحالي بعد مباراة روسيا، قائلًا: "أشكر مصطفى إبراهيم، المدرب عام في زد، ومجدي عبد العاطي، المدرب السابق للفريق، هما من ساعداني على تطبيق فكرة اللعب داخل منطقة الجزاء، هذا نتاج عملهما".

قبل السفر إلى أمريكا.. منتخب مصر يهزم روسيا وديًا بمشاركة 21 لاعبًا (فيديو)

وكتب مصطفى إبراهيم عبر صفحته الشخصية على موقع "فيس بوك": "زيكو بجد من قلبي شكرًا جدًا على كل كلمة قولتها في حقي قدام مصر كلها".

وأضاف: "بس عاوز أقول حاجة إن أنت بجد لاعب مختلف، ومن أحسن اللاعبين الذين تعاملت معهم على مدار تاريخي التدريبي، كنت بشوف في عينك دائمًا الإصرار والشخصية القوية، شوفت تعبك واجتهادك بعد كل تمرين وإصرارك إننا نشتغل على كل تفصيلة هو اللي وصلك لمستواك الحالي عشان أنت عاوز ده وتستاهل ده".

وأكمل: "أفتكر كل بداية سنة لما كنا نضع تارجت عدد أهداف معين ونشتغل عليه وكنت بعزيمتك توصله ونبتدي نحط تارجت تاني السنة اللي بعدها، أفتكر كل كلمة منك بعد كل ماتش تبقى لسه جايب جول ومكسبنا وتقولي يلا نشتغل عاوزين ندخل على اللي بعده لحد ما ربنا كرمك وجالك عرض بيراميدز وكنت ساعتها فرحتي بيك متتوصفش".

وتابع: "أنا شهادتي فيك مجروحة وأنت تعرف ذلك جيدًا، بجد أنا سعادتي وفرحتي بيك لا توصف وبشكرك تاني مرة قدام الدنيا كلها على كلامك ده اللي فرق معايا جدًا وإن شاء الله ربنا هيكرمك أكثر عشان أنت ابن حلال وتستاهل كل خير".