انتقد حازم إمام، نجم الزمالك السابق، أداء لاعبي الفريق الأول لكرة القدم بالنادي، خلال مواجهة مصر للتأمين، في دور الـ32 من
اقرأ من المصدر
القاهرة 24
انتقد حازم إمام، نجم الزمالك السابق، أداء لاعبي الفريق الأول لكرة القدم بالنادي، خلال مواجهة مصر للتأمين، في دور الـ32 من بطولة كأس مصر.
وقال حازم إمام، خلال الاستوديو التحليلي للمباراة، إن لاعبي الزمالك دخلوا اللقاء دون تركيز، بسبب اعتقادهم أن المباراة ستكون سهلة أمام منافس ينشط في دوري الدرجة الثانية.
وأضاف: “اللعيبة مش مركزة خالص، ونازلين الملعب بيقولوا ده فريق درجة تانية وهنكسب، ومفيش تركيز تمامًا”.
وأردف: "حظ الزمالك حلو إنه اتعادل، وإن الهدف جه علشان الجمهور، لكن الزمالك لا يستحق الهدف، واللعيبة بتلعب ماتش رايحين فيه نهزر، لازم يلعبوا برجولة".
وواصل نجم الزمالك السابق انتقاداته قائلًا: “عيب إن مصر للتأمين يكون عامل جيم عليهم، وهم فريق محترم أوي وعندهم لعيبة هايلة”.
واختتم حازم إمام تصريحاته بالتأكيد على ضرورة عدم الاستهانة بالمنافسين، قائلًا: “لاعيبة الزمالك فاكرين إنهم هيكسبوا الماتش بسهولة، لكن كل الناس شبه بعض، لو قلبت الفانلات هتلاقي المستويات زي بعض ومش هنتلخبط، لو ملعبتش وركزت، أي حد هيدوس عليك”.
