منى زكي: هاني خليفة هو اللي صبر عليا في «طالع نازل».. ومكنتش عندي طاقة أعمل الدور (فيديو)

كشفت الفنانة منى زكي عن كواليس مشاركتها في مسلسل «طالع نازل»، والصعوبات التي واجهتها خلال التحضير للشخصية وتصوير العمل، مؤكدة أنها لم تكن تتوقع النجاح الذي حققه المسلسل، كما أشادت بدور المخرج هاني خليفة في مساعدتها على تجاوز حالة الإرهاق التي مرت بها خلال فترة العمل.

وقالت منى زكي، خلال استضافتها مع أبطال المسلسل في برنامج «الحكاية» مع الإعلامي عمرو أديب، إنها لم تكن تتوقع هذا النجاح، موضحة: «لا، أكيد لا، مكنتش متخيلة، محدش بيبقى ضامن ولا متخيل ولا مراهن على حاجة. إحنا بس بنحاول نعمل حاجة حابينها وحاسينها وبنحاول نعملها بإخلاص يعني».

وتحدثت عن أهمية وجود المخرج في العمل، ردًا على حديث عمرو أديب بشأن أن أداء أبطال المسلسل كان قويًا لدرجة أن العمل لا يحتاج إلى مخرج، قائلة: «لا طبعًا، أبدًا، مش حقيقي، المخرج هو عينك، يا إما إنت هتطلع تعمل نفس اللي إنت بتعمله، والمخرج هاني خليفة بالتحديد مع الممثل حقيقي مبيفوتش ولا كلمة ولا حاجة مش صادقة، حتى لو هي حرف مش صادق إحنا هنفضل نعيد لغاية من هنا لبعد بكرة».

وعن الوقت الذي استغرقه التصوير بسبب حرص هاني خليفة على الوصول إلى الإحساس المطلوب في المشاهد، قالت منى زكي: «بسببنا إحنا أكتر، فآه كنا بناخد وقت طويل أكيد، يعني ده طبيعي، بيبقى هو في مخه حاجة معينة وعايزها، وإحنا بنحاول نوصل للي هو عايزه».

وكشفت منى زكي أنها مرت بحالة من الإرهاق وفقدان الطاقة قبل بدء التصوير، رغم استعدادها للشخصية، قائلة: «أنا في المشروع ده بالتحديد أنا كنت مذاكرة بس كنت طاقتي خلصانة، حقيقي فاضية. مش عارفة هعمل إيه، كنت مذاكرة وداخلة أنا مش عارفة، معنديش طاقة إني أعمل اللي أنا ذاكرته».

وأضافت أنها حاولت الاعتذار عن المشاركة في العمل بسبب شعورها بعدم القدرة على تقديم الدور، موضحة: «حاولت أعتذر، بسبب إن طاقتي كانت قليلة وقولتله أنا معنديش طاقة وخايفة ومش عايزة أخذل حد».

وأشادت بدعم المخرج هاني خليفة وصبره وإصراره خلال التصوير، قائلة: «فلولا وجود بالنسبة لي أنا حقيقي لولا وجود المخرج هاني خليفة وإصراره وصبره على وقت أنا بالنسبة لي كنت شايفة كنت ممثلة عنيدة جدًا ودي مش طبيعتي بس أنا كان عندي حالة من العند واللاحيلة جوايا، فلولا وجود أستاذ هاني في المشروع ده هو اللي صبر وفضل دؤوب ويصر على اللي هو عايزه ومش زهقان من غلاستي أو من كسلي مكنتش هعرف أعمل أي حاجة».