كان بيعيط عشانهم.. أول تعليق من والدة أحمد بوخارست الأب المتوفى قبل ساعات من صدور حكم برؤية أولاده | خاص

كشفت والدة الأب المتوفى أحمد بوخارست، قبل ساعات قليلة من صدور حكم برؤية صغاره بعد فراقهم لمدة 3 سنوات، تفاصيل جديدة حول رحيله، حيث أثارت وفاة الأب حالة حزن وتعاطف واسعة عبر منصات التواصل الاجتماعي خلال الساعات القليلة الماضية.

كان بيعيط عشانهم.. أول تعليق من والدة أحمد بوخارست الأب المتوفى قبل ساعات من صدور حكم برؤية أولاده

وقالت السيدة في تصريحات خاصة لـ القاهرة 24: كان زعلان وبيعيط على ولاده اللي مشافهومش وبقاله كتير من غيرهم، من بعد الانفصال نفسيته اتدمرت ومكنش عارف يوصل لولاده إزاي.

وتابعت: يوم وفاته كلمني بالليل، قالي إنه تعبان، روحنا به المستشفى، عرفنا إن جاله جلطة وانسداد في الشرايين، بعدها مات على طول، مستحملش التعب النفسي، خاصة بعد ما بعد عن ولاده وحياته وشغله. هو مكنش عنده بيت، وكان قاعد معايا أنا بعد الانفصال، وقدم استقالته وكان قاعد من الشغل، ونفسيته الفترة الأخيرة تعبت.

وأضافت: قعد معايا 3 سنين، وكان نفسه يشوف ولاده قبل ما يموت، بعد وفاته المحامي كلمنا وقال إن جاله حكم برؤية عياله، بس كان أمر الله نفذ، وده قضاؤه وقدره، ونحتسبه من الشهداء عند الله.