تحدث أحمد بلال نجم الأهلي السابق، عن الانتقادات التي يتعرض لها الحسين عموتة، المدير الفني للفريق، خلال الفترة الأخيرة، في ظل مطالبات برحيله بسبب تراجع الأداء والنتائج.
اقرأ من المصدر
القاهرة 24
تحدث أحمد بلال نجم الأهلي السابق، عن الانتقادات التي يتعرض لها الحسين عموتة، المدير الفني للفريق، خلال الفترة الأخيرة، في ظل مطالبات برحيله بسبب تراجع الأداء والنتائج.
وقال أحمد بلال خلال تصريحات تليفزيونية: الحملة الجبارة دي على مدرب متغلبش ولا ماتش، هو مين في مصر بيؤدي وبيعمل مزيكا في الكورة؟
وأضاف: أحمد زي الحاج أحمد، كله زي بعض بما فيهم بيراميدز، في ماتشات كتير بيكسب بأداء مهزوز، وده عادي جدًا، الفرق كلها كده.
وأكمل: الناس بتسقف لمعتمد جمال وبتقول لازم يكمل ومدرب هايل، رغم إنه اتغلب من حسين عموتة اللي مش عاجبك وعايزه يمشي وبيتهاجم.
وواصل نجم الأهلي السابق: الأهلي له حق على جمهوره إنه يشجعه ويصبر ويتحمل، وإن مش مع كل هزة يبقى فيه انتقادات ويتقال يلا نشيل المدرب.
واستطرد: إحنا مش زي الفرق التانية، أول ما تتغلب ماتشين تجيب مدرب جديد عشان متنزلش درجة تانية، إحنا نادي بيلعب على بطولة، مبنحاسبش بالقطعة.
واختتم أحمد بلال تصريحاته قائلًا: واثق إن الجمهور هيساند الفريق والمدير الفني لآخر دقيقة.
