اقرأ من المصدر
القاهرة 24
زعمت سيدة عبر حسابها بمنصة فيسبوك للتواصل الاجتماعي وفاة صغيرها حديث الولادة، بعد تعرضه للإهمال الطبي على يد طبيب أطفال شهير في الهرم.
وشاركت السيدة منشورًا عبر حسابها جاء فيه: الطفل كان عنده خنفرة زي أطفال كتير في سنه، وروحت أكشف بالطفل عند دكتور شهير بالهرم.
الدكتور كشف عليه وكتب روشتة، وبالفعل نزلت اشتريت العلاج من الصيدلية الموجودة في نفس العيادة، وكان ضمن العلاج عبوتين من بخاخ شهير للأنف.
الصيدلي حذرها من عبوة الكبار، وقال لها إنها لا تصلح لطفل في السن ده، وإن استخدام الطبيب لها، لو قرر ده، يبقى نقطة واحدة.
وتابعت: الدكتور نيم الطفل على إيده وبدأ يفضي محتوى أول عبوة في فتحة مناخيره، ثم العبوة التانية في الفتحة التانية، والطفل كان بيصرخ بشكل هستيري.
ثم استخدم العبوة الثالثة، الخاصة بالكبار، فضاها كلها برضه، ومن اللحظة دي بدأت الكارثة... الولد جسمه بدأ يتغير لونه، وبقى لونه فوشيا، وظهر دم من مناخيره وودانه وبقه.
وأضافت: فجأة شال الدكتور الطفل وخرج يجري من العيادة، والناس كلها جريت وراه، من غير ما حد يفهم إيه اللي حصل. ركب توك توك متجهًا إلى مستشفى للأطفال، ووصل المستشفى، ودخل الطوارئ بالطفل لوحده، وطلب منهم يفضلوا بره. مرت حوالي ربع ساعة، والمستشفى في حالة ارتباك، ومحدش فاهم حاجة ولا حد بيقول إيه اللي بيحصل، وفجأة خرج الدكتور بالطفل على إيده وبيجري، قالنا الطفل مات.
