إبراهيم فايق: لا تحاسبوا إدارة الأهلي الجديدة على فاتورة الموسم الماضي.. واللاعبون عليهم جزء من المسؤولية

أكد الإعلامي  إبراهيم فايق أن الإدارة الجديدة للنادي الأهلي، بقيادة ياسين منصور وسيد عبد الحفيظ، لا يجب أن تتحمل نتائج وأخطاء الموسم الماضي، مشيرًا إلى أن هناك حالة من تحميل الإدارة الحالية فاتورة ما حدث في الموسم السابق.

إبراهيم فايق: لا تحاسبوا إدارة الأهلي الجديدة على فاتورة الموسم الماضي.. واللاعبون عليهم جزء من المسؤولية

وقال فايق: «الناس محملة فاتورة السنة اللي فاتت على الإدارة الموجودة دلوقتي، السنة اللي فاتت كانت سيئة جدًا جدًا، الأهلي مجاش وعمل حاجة، 3 ماتشات مكسب والماتش الرابع تعادل».

وضاف في تصريحات ببرنامجه القهوة مع فايق: «اللي محمل اللي فات شايف اللي حصل الموسم اللي فات قدام عينه، لكن الإدارة الجديدة المكلفة بقيادة ياسين منصور وسيد عبد الحفيظ كل اللي عملوه إصلاحات إدارية وجابوا مدير فني عمره معاك 4 ماتشات، منهم 3 فوز».

وتابع: «ركز في الحتة دي، عشان لو خدت اللي فات كله وحطيته على نفس الفاتورة، أنت كده بتحاسب الناس على الموسم اللي فات».

وقال فايق إن الحسين عموتة يتحمل جزءًا من المسؤولية عن بعض الأمور، إلا أن اللاعبين أيضًا يتحملون جانبًا من المسؤولية عن تراجع الأداء.

وتابع: «عموتة عنده أخطاء، لكن فيه حاجات كان سببها اللاعيبة، اللاعيبة بتقعد 60 دقيقة تعمل أي حاجة غير إنها تقرب من الجون، وبيفتكروا إن الماتش بيروح منهم في آخر نص ساعة ويبدأوا يروحوا ويحاولوا على الجون».

وقال: «لكن أنت رفعت الروح المعنوية للمنافس، وبتخسر الحتة اللي كنت مميز فيها لما كنت بتنزل تخلص الماتش في الأول».

واختتم: «اللاعيبة عليها جزء، متخلوش المسؤولية منهم، أنت بتلعب في الأهلي، وكل ماتش بتضيع 60 دقيقة في الولا حاجة وبعدها تفتكر تضغط».