مودي شلاطة: أحلم بالانضمام إلى منتخب مصر.. وسبق أن تدربت مع ناشئي الزمالك

كشف مودي شلاطة، لاعب نادي القناة، عن طموحاته خلال الفترة المقبلة، مؤكدًا أن هدفه الحالي هو الانضمام إلى منتخب مصر، إلى جانب مساعدة فريقه على تحقيق مركز متقدم في الدوري، كما تحدث عن كواليس تألقه أمام الأهلي ورأيه في الانتقادات عبر مواقع التواصل الاجتماعي.

تصريحات مودي شلاطة

وقال مودي شلاطة، خلال تصريحات مع الإعلامي سيف زاهر: أنا بصراحة بشوف الكلام على السوشيال ميديا حافز، اللي هو مثلًا حد ما يعرفنيش، بكرة عادي هيعرفني، هيعرف إن اللي أنا عملته النهارده ما كانش صدفة، كله توفيق وكرم ربنا عليا، الحمد لله.

وتطرق لاعب القناة إلى حقيقة تلقيه عروضًا عقب مباراة الأهلي: والله أنا مش عارف، هو كل حاجة مع النادي، فأنا مش عارف والله.

وأوضح حقيقة توقيعه لـ الزمالك في وقت سابق: لا ممضتش، بس كنت في وقت كده رحت معاهم تمرين، وكانوا عايزين ياخدوني في الناشئين بس ما حصلش نصيب، والكلام ده كان زمان أيام ما كنت أنا في الناشئين.

وعن انتماءاته الكروية، قال: أنا برشلوني متعصب جدًا، لكن الانتماءات دي ملهاش دعوة بالشغل، المجال مفتوح.

مودي شلاطة: هدفي الانضمام إلى منتخب مصر

وتحدث مودي شلاطة عن طموحه الاحترافي، مؤكدًا أن تركيزه ينصب حاليًا على الوصول إلى المنتخب الوطني، وقال: طبعًا أكيد نفسي احترف، بس طموحي دلوقتي إني أروح منتخب مصر، أنا شايف إن أنا اجتهد وأعمل اللي عليا والباقي على ربنا.

وعن طموحاته مع القناة، أوضح: القناة فرقة كبيرة وليها تاريخ، ونفسي أخليهم في أول 6 في الدوري، وده طموحي برضه، إني أروح بالنادي لحته بعيدة، مفيش حاجة بعيدة في الكورة.