ينفرد القاهرة 24، بنشر التحقيقات في اتهام الشاعر والملحن وليد الغزالي وآخر، بحيازة عشرات الأكياس من مخدري الآيس والكوكايين، بمنطقة التجمع الأول بالقاهرة الجديدة.
اعترافات وليد الغزالي في التحقيقات
واستجوبت جهات التحقيق الشاعر وليد الغزالي، وجاءت أقواله كالآتي اسمي وليد محمد 52 سنة وأعمل مؤلف.
س: ما قولك فيما هو منسوب إليك من أنك متهم بحيازة وإحراز جوهرًا مخدرًا (الكوكايين) بقصد الاتجار في غير الأحوال المصرح بها قانونًا على النحو المبين بالتحقيقات؟
ج محصلش.
س: ما قولك فيما هو منسوب إليك من أنك متهم بحيازة وإحراز جوهرًا مخدرًا (الايس) بقصد الاتجار في غير الأحوال المصرح بها قانونًا على النحو المبين بالتحقيقات؟
ج محصلش.
س: ما قولك فيما هو منسوب إليك من أنك متهم بحيازة وإحراز جوهرًا مخدرًا (الايس) بقصد التعاطي في غير الأحوال المصرح بها قانونًا على النحو المبين بالتحقيقات؟
ج محصلش.
س: ما قولك فيما هو منسوب إليك من أنك متهم بحيازة وإحراز جوهرًا مخدرًا (الكوكايين) بقصد التعاطي في غير الأحوال المصرح بها قانونًا على النحو المبين بالتحقيقات؟
ج محصلش.
س وما طبيعة عملك تحديدا؟
ج شاعر غنائي.
س: وأين تقطن تحديدا؟
ج: التجمع الأول.
س: ما الذي حدث إذا وما هي ظروف ضبطك وعرضك علينا؟
ج: اللي حصل ان انا كنت نايم في الشقة الكائنة في كمبوند البستان التجمع الأول، ومرة واحده لقيت ناس كتير قدامي وبتصحيني من النوم وبيقولولى أقوم من النوم معاك المكافحة مخدرات روحت أنا قلتله في ايه راح قالي فين المخدرات اللي عندك روحت أنا قلتله أنا معنديش مخدرات راح قالي طلع المخدرات اللي معاك بشويش روحت أنا طلعت كيسين آيس دول أنا بشربهم وبعد كدا فتشوا الشقة بتاعتى وملقوش وفتشوني ملقوش معايا حاجة واستنوا إبراهيم محمد لحد ما جه عشان جاي جايبلى اثنين جرام آيس ولما فتشوه ملقوش معاه حاجه وبعد كدا أخدوني على الإدارة وبعد كدا عملولي محضر وهو ده كل اللي حصل.
س: متى وأين حدث ذلك؟
ج: الكلام ده حصل امبارح في كمبوند البستان بالتجمع الأول.
س: من كان برفقتك آنذاك ؟
ج كنت لوحدي.
س: من القائم على ضبطك تحديدًا؟
ج: عشرة كانوا موجودين منهم ظباط وافراد
س: هل وقفت على هوية القائم على ضبطك ؟
ج: هما الإدارة بتاعة مكافحة المخدرات.
س: هل تبينت سبب قيامهم بضبطك تحديدًا؟
ج: انا معرفش هما قضبوا عليا ليه.
س: هل دار بينك وبين القائمين على ضبطك ثمة حوار؟
ج: أيوه.
س: ما هو مضمون ذلك الحوار؟
ج: هما فضلوا يقولولى انت بتجيب المخدرات مين روحت انا قلتلهم بجيب من كام واحد بس انا معرفش أسمائهم الحقيقية.
س: ملك من السيارة؟
ج: اللى انا اعرفة ‘نها ملك إبراهيم محمد.
س: هل من ثمة تفتيش وقع عليك؟
ج: أيوه.
س: ما الذي أسفر عنه ذلك التفتيش؟
ج ملقوش معايا غير التليفونات الايفون وكيسين الأيس لونهم بينك ومش وموجدين في الحاجات اللي اتعرضت عليا.
س: ما صلتك بالمضبوطات السابق عرضها عليك ؟
ج: أنا معرفش عنهم حاجه غير التليفونات.
س: ملك من إذا باقي المضبوطات تحديدًا؟
ج: معرفش.
س: بما تعلل عرضك علينا رفقتها إذا؟
ج: أنا معرفش.
س: من أين استحصل عليها مأمور الضبط القضائي إذا؟
ج: معرفش.
