بعد نقله إلى العناية المركزة.. نجل محمد الحلو يكشف تفاصيل حالة والده الصحية: عضلة القلب وقفت واشتغلت تاني

كشف حمادة الحلو تفاصيل الحالة الصحية لوالده الفنان محمد الحلو، وذلك بعد نقله إلى العناية المركزة في أحد مستشفيات القاهرة.

وقال حمادة الحلو خلال تصريحات لـ القاهرة 24: ربنا يستر، عضلة القلب وقفت واشتغلت تاني، ادعوا له.

نقل محمد الحلو إلى العناية المركزة

وقبل قليل، كتب حمادة الحلو عبر حسابه على فيسبوك: أرجوكم ادعوا لأبويا.. أبويا في الرعاية.

محمد الحلو: مفيش حد هيغطي على جيلنا.. وابني حمادة الحلو امتداد لمسيرتي

وفي وقت سابق، كشف الفنان محمد الحلو سبب ابتعاده عن التمثيل، بالإضافة إلى تفاصيل دخول نجله حمادة الحلو مجال الغناء بعد رفضه خلال الفترة الماضية.

وقال الحلو خلال لقائه مع القاهرة 24: الغنا أهم حاجة في حياتي، وعملت كل حاجة في الغنا ومثلت شوية ومعجبنيش التمثيل، كنت بحب تمثيل المسرح أكتر من الأفلام، أحب المسرح، هو تمثيل ومنه غنا.

وأشار إلى أنه يعتبر نجله حمادة الحلو امتدادًا له ولمسيرته، مضيفًا: ابني حمادة الحلو الكبير هينزل قريب، مكنش عايز وبعدين ربنا كرمه ووافق، كنت بزق دايمًا فيه، وبعدين يقولي أغني إيه، لأنه متعلم وخريج المعهد العالي للموسيقى، وكان عامل دبلومة، وكان يقولي أغني لمين وأغني إيه، لحد ما أقنعناه، قولناله الحاجة الحلوة في مصر هتبان.