صبري فواز: الجمهور مبيتوقعش إن الفنان عنده ظروف زيهم.. وفكرة مسلسل عمرة رمضان ملفتة

تحدث الفنان صبري فواز عن الجانب الذي لا يراه الجمهور في حياة الفنان، موضحًا أن الظهور على الشاشة قد يجعل البعض يعتقد أن الفنان بعيد عن الظروف والصعوبات التي يمر بها الأشخاص بشكل طبيعي، كما كشف عن تفاصيل تجربته الجديدة في مسلسل عمرة رمضان.

وقال صبري فواز، في لقائه مع القاهرة 24: كونك بتطلع على الشاشة بيخلي الناس مش متوقعة إن عندك ظروف زيهم، لأن كلنا بني آدمين وكلنا بنمر بظروف صعبة، فكونك بتطلع على الشاشة ده بيخلي الناس شوية مبقتش متوقعة إن عندك ظروف زيهم.

صبري فواز: أصعب حاجة عندي المسافة بين قراءة النص وبدء التصوير

وتحدث صبري فواز عن حرصه على عدم تكرار نفسه في الشخصيات التي يقدمها، خاصة أنه قدم خلال مشواره الفني العديد من الأدوار المختلفة، قائلًا: طول الوقت أنا حريص إنه ما يتكررش، فعشان كده أصعب حاجة عندي المسافة اللي ما بين أخلص قراية النص وأبتدي تصوير، عشان دي بتبقى اللحظة اللي بدور فيها الكاركتر شكله إيه، أخش له منين وأمسكه إزاي، عشان هي دي الحتة اللي بتبقى صعبة عليا في الشغلانة.

كما تحدث صبري فواز، مسلسل عمرة رمضان، الذي بدأ تصويره مؤخرًا، قائلًا: الحدوتة حاجة ملفتة وجميلة، وأنا حبيت الحدوتة جدًا، وفيها كده إفيه لما تشوفوا المسلسل، أتمنى يعجبكم.