اقرأ من المصدر
مصراوي
شهدت مداخلة النائب مصطفى بكري، مع الإعلامي عمرو أديب، في برنامج الحكاية عبر شاشة "إم بي سي مصر"، مساء أمس الجمعة، نقاشًا حادًا واختلافًا في المواقف حول مستقبل المشهد السياسي في مصر.
جاء ذلك في ظل دعوة النائب مصطفى بكري إلى إجراء تعديلات على الدستور الحالي أو وضع دستور جديد لمصر، في حين تمسك عمرو أديب برفض هذا الطرح مستشهدًا بتأكيد الرئيس عبدالفتاح السيسي بشأن عدم المساس بالدستور الحالي وأن 2030 ستشهد نهاية فترة حكمه بشكل نهائي.
ويرصد مصراوي حالة الخلاف والصدام في الرأي بين أديب وبكري في 5 نقاط.
احتدم النقاش بين عمرو أديب ومصطفى بكري بشأن آلية العودة إلى الشعب فيما يتعلق بالتعديلات الدستورية.
وفي هذه النقطة قال أديب: "هترجع إزاي؟ المادة 4 من الدستور بتقول السيادة للشعب وحده، يمارسها ويحميها، وهو مصدر السلطات، ويصون وحدته الوطنية التي تقوم على مبادئ المساواة والعدل وتكافؤ الفرص بين جميع المواطنين، وذلك على الوجه المبين في الدستور، نافيًا وجود حديث عن استفتاء.
ورد بكري على هذه النقطة بقوله: "المادة الرابعة بتقول الشعب مصدر السلطات، اقرأها"، وعاد أديب للتأكيد على موقفه قائلًا: "بس الشعب مصدر السلطات.. بس"، فيما طرح بكري بدوره: "نعمل جمعية تأسيسية وتاخد القرار اللي عايزاه".
في سياق دفاعه عن ضرورة إتاحة المجال أمام تداول السلطة، قال عمرو أديب: "هتبقى ضيعت فرصة ذهبية إن هذا البلد يكون فيه سياق ديمقراطي، يبقى فيه أحزاب يا راجل، يبقى فيه ناس بتختار، ما يبقاش فيه هندسة سياسية طول الوقت، ما تبقاش عندك حكم المضطر طول الوقت".
ورد مصطفى بكري على عرمو أديب بقوله: "ما هي الأحزاب من سنة 76 وإحنا بنقول وهو قال، وقال لهم لموا نفسكم في حزبين أو ثلاث أحزاب"، ليرد أديب قائلًا: "طب وعاملينها ليه؟! طب ما نقفل.. مجلس النواب ده اقفلوه، ومجلس الشيوخ اقفلوه، والدستور مشوه، ونكمل كويس".
أكد مصطفى بكري أنه متمسك باستكمال المشروع الوطني للرئيس السيسي، ليرد أديب: «الرئيس 3 أيام ورا بعض.. كان ناقص يحلف على مصحف! 3 أيام ورا بعض يا مصطفى بيقول لك أنا مش ناوي أرشح نفسي تاني، ولن أمس الدستور".
ورد "بكري": "هو له الحرية وله القرار، وإحنا كمان لينا قرارنا ومتمسكين بيه، أنا متمسك بيه شخصيًا، يكمل مشروعه الوطني، إحنا مش عايزين حاجة تانية، أنا شخصيًا كمواطن مصري ليا الحق وكنائب ليا الحق".
وهنا قاطعه أديب معاودًا تأكيده: "يا أخي أنت لم تستمع للرجل يبدو.. يبدو أنك لم تستمع للرجل"، ليرد بكري: "يكمل مشروعه"، ليعود أديب متسائلًا: "ما يأتي من يأتي بعده ويكمل المشروع، هيحصل إيه يعني".
دافع مصطفى بكري عن استمرار الرئيس قائلًا: "عشان ما استوردش من الخارج، عشان أبني قوة ذاتية داخلية، عشان يبقى عندي اقتصاد وطني قوي في مرحلة التحول القادمة.. هو ده عبدالفتاح السيسي، هو ده اللي جرب، هو ده اللي مبينامش الليل ولا النهار، هو ده الراجل بيشتغل، هو ده اللي الناس آمنت بيه في الفترة اللي فاتت وقالت له أنت القائد وإحنا وراك وماشيين.. أجي في نص السكة ويقول لي الدستور.. نغير الدستور، بس البلد دي تبقى، الوطن ده يبقى".
وعقب عمرو أديب على هذا الحديث بقوله: "إيه رهن الوطن بالرئيس! ده يبقى وطن غريب أوي إن لو شخص اختفى البلد كلها تقع".
وعاد بكري يسأل أديب: "طب هتجيب مين بقى؟ هتختار لي مين بقى؟"، ليرد عمرو أديب: "خلينا يا أخي نختار.. خلينا نتكلم ونقول".
قال مصطفى بكري: "المؤسسات موجودة، أنا بتكلم على رمز هذه المؤسسات، على الراجل اللي بنى البلد، أنا عايزه يكمل مشروعه، أنا عايزه يواجه التحديات الموجودة، هو أنا هجيب لسه واحد هيجرب فينا قدام؟ يا أخي أنا في قلب المعركة"، ليرد عمرو أديب متسائلًا: "وليه يجرّب؟".
فرد مصطفى بكري: "هو أنت تيجي في قلب المعركة وتقول للقائد اقعد على جنب؟"، ليعقب أديب: "الرجل بنفسه آمن، مطمئن على البلد، وقال لك أنا عملت كل اللي في إيديّا وباقي شوية حاجات هعملها في التلت سنين.. أنت أدرى منه؟ هو عارف".
