كتب - عمرو أسامة
احتفل محمد هاني، لاعب الفريق الأول لكرة القدم بالنادي الأهلي، بوصوله إلى 403 مباريات بقميص القلعة الحمراء.
وحقق الأهلي الفوز على زد مساء اليوم الجمعة، في ثاني جولات الدوري المصري الممتاز للموسم الحالي 2026-2027.
ويستعد النادي الأهلي لمواجهة سموحة، في الجولة الثالثة من الدوري المصري، مساء الخميس المقبل 3 سبتمبر.
رسالة محمد هاني
ونشر محمد هاني عبر حساباته على مواقع التواصل الاجتماعي رسالة إلى جماهير الأهلي، استعاد خلالها بداية رحلته مع النادي، مؤكدًا أن حلمه بدأ منذ انضمامه إلى القلعة الحمراء في التاسعة من عمره.
وقال هاني: "من وأنا صغير كان حلم من أحلامي إني أشوف لاعيبة الأهلي وأبقى واحد منهم.. روحت النادي الأهلي وأنا عندي 9 سنين ومن ساعتها وأنا بحلم باللحظة دي".
وأضاف: "وصلت للفريق الأول وكان نفسي بس ألعب ولو ماتش واحد، وانهاردة أنا لعبت 403 ماتش وبقيت جزء من تاريخ النادي زي ما هو تاريخي كله".
وتابع: "كنت نفسي أحتفل معاكم بالإنجاز ده السنة اللي فاتت، بس النتائج وقتها ماكنتش في صالحنا. النهارده وصلت لـ403 ماتش في مسيرتي مع الأهلي، وده كان واحد من أهدافي اللي كنت بحلم أحققها".
وأوضح لاعب الأهلي: "بس الحلم مابيوقفش هنا.. الهدف الجديد إني أوصل لـ500 ماتش في البيت اللي اتربيت فيه، وأبقى أكتر لاعب في تاريخ النادي يحقق بطولات وأفضل أساعد الأهلي حتى لو بحاجة بسيطة".
ووجه محمد هاني رسالة شكر إلى جماهير الأهلي وإدارة النادي وزملائه، قائلًا: "شكرًا لجمهور الأهلي اللي كان دايمًا سند ليا وساعدني أوصل للحظة دي، وشكرًا لإدارة النادي على دعمها المستمر، وشكرًا لزمايلي.. من غيركم عمري ما كنت هأوصل للرقم ده".
واختتم رسالته قائلًا: "403 ماتش.. ولسه الحكاية مكملة".
