حسن شحاتة: بيزيرا "بيضحك علينا".. والسعيد الأفضل في الزمالك

كتب - مصطفى جمال

حسن شحاتة أسطورة الزمالك ومدرب منتخب مصر السابق

تحدث حسن شحاتة أسطورة نادي الزمالك، والمدرب التاريخي السابق لمنتخب مصر، عن رأيه فيما يقدمه الثنائي خوان بيزيرا وناصر منسي مع الفريق الأبيض هذا الموسم، مشيدًا في الوقت ذاته بأداء عبد الله السعيد نجم القلعة البيضاء.

وقال حسن شحاتة في تصريحات عبر قناة النهار: "بيزيرا لاعب بيضحك علينا، لأني عمري ما شوفت لعيب بيعيط، في وقت من الأوقات عيط عشان معرفش مين عمله ايه".

وتابع: "هو لاعب جيد جدًا لكن مش محتاج إنك تعيط عشان تجذب الجماهير لك، أو عشان تخلى الجماهير تقول عليك لاعب كويس، اللاعب الكويس بيبان عليه وعلى تواجده مع الفريق".

وأوضح: "اللاعب الوحيد اللي كويس في فريق الزمالك هو عبد الله السعيد، وتشعر إنه لاعب من الجيل القديم".

وتطرق للحديث عن رأيه في ناصر منسي، مهاجم الفريق الأبيض، قائلًا: "ناصر منسي لاعب وقتي، يسجل أهداف في أوقات ولحظات معينة".

واختتم: "ناصر منسي بيحارب ويحاول على كل كرة، مثل هدفه في المصري، مش عايز أقول إنه محظوظ، لكن بيكافح وربنا بيكافئه".