أسامة كمال عن حكم مباراة الأرجنتين: «المصريين في فرنسا مش هيسيبوه»

أعرب الإعلامي أسامة كمال عن تعجبه  الشديد بما فعله الجمهور المصري ضد حكم مباراة مصر والأرجنتين، قائلًا:"هو ده اللي يتقال عليه حقيقي يا مصر بتعمليها إزاي.. المصريين جابوا رقم الحكم من على لينكد إن واتصلوا بيه وازعجوه وحاليا كمان بيدوروا على عنوانه علشان يبعتوه للمصريين اللي عايشين في فرنسا.. وده هيخيله يندم على اليوم اللي قرر يجامل فيه الأرجنتين على حساب مصر.. وكمان وصلوا لرقم زوجة الحكم ووالده علشان يوصلوا ليه لأنه استخبى". 

ووجه الإعلامي أسامة كمال خلال تقديمه برنامج "مساء dmc" المذاع عبر قناة dmc،  رسالة لحكم مباراة مصر والأرجنتين، قائلًا:"أقلق من الشعب المصري وأقلق كمان من لعنة الفراعنة لأنك لو ضايقت المصريين هتجيلك هتجيلك".

كما دعا  الإعلامي أسامة كمال،  الجميع للتوقيع على استمارة للمطالبة بالتحقيق مع حكم مباراة مصر والأرجنتين.

وأكد الإعلامي أسامة كمال، أن سجل حكم مباراة مصر والأرجنتين "مشبوه"، معقبًا:" أخدت لفة في سجله  لقيت إن عنده أكتر من مباراة حولها جدل بسبب قراراته الغريبة.. الحكم مشبوه وسجله زاد ماتش مش شيئ مهم يعني".