اقرأ من المصدر
القاهرة 24
حرصت الفنانة عبير صبري على التواجد اليوم في الدورة الـ 41 لمهرجان القاهرة السينمائي.
وعلى هامش المهرجان، قالت عبير صبري: بدأت سينما وكان أول فيلم ليا هو الناجون من النار، وبعدين فيلم البطل مع الراحل العظيم أحمد زكي، وعملت أفلام مع الكبار، والحمد لله إني لحقت هذه الكوكبة.
وأضافت: بعد كده قدمت مسلسلات كتير، وده لأن السينما أصبح إنتاجها أقل نوعا ما، والحقيقة إني خجولة ومنطوية وأبان إني واخدةه موقف، وسكاتي يبين إني منعزلة، وأنا بخاف من الدخول في أماكن فيها ناس كتير، ولما بدخل ببقى ساكتة، والناس بتفسره بطريقة تانية.
واستكملت: الموضوع ده أثر على شغلي طبعًا، ولو رجع الزمن مش هعرف أغيره، مش لازم أغير مواصفاتي الشخصية، والسيستم أحيانًا بيكون مش صح، ومش طالبة أكون صديقة الجميع عشان أكون موجودة لأن الأهم هي الموهبة.
ومن ناحية أخرى، تعاقدت عبير صبري مؤخرًا على المشاركة في مسلسل في سبيل الحب، ويشارك فيه خالد سليم والعمل من تأليف أيمن سلامة وإخراج أحمد حسن.
