كشف الإعلامي شريف مدكور العديد من الجوانب في حياته بشكل تفصيلي لا يعرفها الكثير من الجمهور، منها كواليس حبه للرقص
اقرأ من المصدر
القاهرة 24
كشف الإعلامي شريف مدكور العديد من الجوانب في حياته بشكل تفصيلي لا يعرفها الكثير من الجمهور، منها كواليس حبه للرقص وتأسيسه فرقة استعراضية، بالإضافة إلى تأثير إصابته بالأورام على حياته.
وقال شريف خلال لقائه مع الفنانة إسعاد يونس في برنامج صاحبة السعادة عن مرضه: بقول الحمد لله إن جالي كانسر أولا شوفت حب الناس ونظرتي للحياة اختلفت للأحسن مش للأوحش وديمًا بقولها لأي حد مريض بالمرض ده، خلي المرض يحسن حياتك للأحسن.
في فترة مرضي كان بيبقى جمبي أصحابي، والاستايلست دينا نصير فأقولها شايف ناس ريش وبلياتشو وكانت بتكتب، ولما فوقت كانت بتحكيلي اللي كتبته واللي أنا قولته، وبعد كده نفذته في كليب أغنية.
أما عن علاقته بالرقص، فأشار إلى أنه يعتبره بمثابة علاج لحالته النفسية، مضيفًا: الرقص بالنسبة لي حاجة مهمة في حياتي وبالنسبة لي علاج ولما بتعصب وبفرح وبغضب وبعيا برقص فهو بيطلع طاقة سلبية وبيخليني في مود حلو وقولت عايز الناس ترقص معايا وانا بعمل مسرح شريف فكرة جديدة ونفسي ارجع المسرح الاستعراضي رغم إني مش مطرب أنا مؤدي على قدي بسبب أيمن المنيري والشو اللي بعمله جالي أثناء فترة مرضي وفترة الهلوسة فترة البنج 48 ساعة.
وأردف: أنا عندي 54 سنة ولا أؤمن بحاجة اسمها سن المعاش وعايز أجدد وأوري الناس إن إحنا نقدر نعمل أي حاجة إحنا بنحبها وابتديت أكون فرقة واغني على قدي وابتديت أرقص وأكون فرقة راقصة وكلهم من إسكندرية واختارتهم من مراكز الشباب التابعة لوزارة الشباب والرياضة وكلهم شباب متعلمين ومثقفين وفاهمني.
