اقرأ من المصدر
القاهرة 24
يستكمل القاهرة 24 نشر التحقيقات في القضية المتهمة فيها البلوجر علياء قمرون بعد نشرها مقاطع فيديو تضمنت ألفاظًا وإيحاءات خادشة للحياء العام تتعارض مع القيم المجتمعية.
وبسؤال البلوجر علياء قمرون هل تدر عليكِ مشاركتكِ في البث المباشر عبر تطبيق تيك توك أموال وأرباح؟
أجابت: أيوه، من خلال الهدايا اللي بتجيلي على اللايفات.
س: ما إجمالي تلك الأرباح تحديدًا؟
ج: أنا قبل كده كنت بعمل حوالي 30 ألف جنيه في الشهر، ودلوقتي بيدخل لي حوالي 10 أو 11 ألف جنيه بالكثير، لأن الدعم بقى قليل من ساعة ما حصلت الحملة علينا السنة اللي فاتت، وناس كتير اتحبست.
س: ما أوجه صرفكِ لتلك المبالغ تحديدًا؟
ج: أنا بصرف الفلوس دي على نفسي، هدوم وأكل وشرب.
س: هل لديكِ ممتلكات من أرباح تلك المقاطع المباشرة؟
ج: لا خالص، أنا كل فلوسي بصرفها على أكلي وشربي، أنا أكتر حاجة كانت بتدخل لي 30 ألف جنيه، ودلوقتي مش بيكملوا 10 آلاف جنيه، فما بعرفش أجيب بيهم أي حاجة أصلًا.
س: هل لديكِ مصادر دخل أخرى؟
ج: أنا معنديش مصادر دخل غير التيك توك والإعلانات، وساعات بعرض توك أطفال عندي على الصفحة والناس بتجيب مني أون لاين.
س: وما كيفية تحصيلكِ لتلك المبالغ المالية؟
ج: أنا بحول الفلوس على كارت فوري بتاعي اللي مربوط بالحساب، وبعدها أروح أي فرع من فروع فوري جنبي وأسحب منهم الفلوس، وساعات بعمل إعلانات على التيك توك، والفلوس دي باخدها كاش من العميل وأنا بعمل الإعلان، بحوالي ألف جنيه أو 500 جنيه على حسب الإعلان.
س: ما كيفية قيامكِ بالإعلانات الخاصة بالمتعاقدين معكِ لإنتاجها؟
ج: أنا بعمل الإعلانات دي عبارة عن فيديوهات بصورها في المحلات وبنزلها على الصفحة عندي.
س: ذكرتِ سلفًا بالتحقيقات بجلسة اليوم سابقة اتهامكِ في قضية، فما فحواها؟
ج: كانت قضية شبه بتاعة النهارده كده، واتحقق معايا في نيابة التجمع الخامس، وأنا اتحبست شهرين وخدت إخلاء سبيل، والقضية لسه شغالة.
س: وما رقم تلك القضية وما الذي آلت إليه تحديدًا؟
ج: أنا معرفش رقمها بس القضية لسه شغالة.
س: ما قولكِ فيما جاء بمحضر الضبط المؤرخ 1/11/2026 والذي تضمن قيامكِ بإنشاء فيديوهات تتضمن عبارات وألفاظًا خادشة للحياء العام، وتتعدى بها على قيم المجتمع المصري؟
ج: الكلام ده محصلش، واللي أنا قولت عليه هو اللي حصل.
س: من هو الشخص المتحدث في المقطع المرئي المعروض عليكِ الآن؟
ج: أنا اللي كنت بتكلم في الفيديو ده.
س: وهل نشرت المقطع على صفحتكِ على موقع التواصل الاجتماعي «تيك توك»؟
س: ما الذي دعاكِ لنشر ذلك المقطع على موقع التواصل الاجتماعي «تيك توك» الخاص بكِ؟
ج: ده كان لايف على التيك توك، وأنا كنت عملاه علشان آخد دعم من المتابعين بتوعي وآخد فلوس.
س: متى نشرت ذلك المقطع؟
ج: ده كان من حوالي سنة ونص قبل ما يتقبض عليا المرة اللي فاتت.
